home

´n Drom 
Idinkbos Sinderen, 7-7-2018

 

 

 

 

Cultuurzomer maakte een filmpje van 'n Drom 2018, haha, mijn zangkunst krijgt een zeven van mijzelf maar ik was toch al van plan om nog heel lang zangles te nemen bij Grada Gootjes. 

 

 

Theo Jennissen, kunstenaar-fotograaf, genoot van 'n Drom en had ook nog tijd om foto's te maken.
Hier zijn artistieke verbeelding van 'n Drom 2018.

 

 

(impressie Ineke, foto's Theo Jennissen)

Et rök zo zuute.

Et rök zo zuute in ‘t Idinkbos.

Grovve en fiene dennen*) in de hette ruukt zuute.

Et breg mi-j terugge.

Et breg mi-j terugge naor de rogge.

Hele gezin op de wagen naor de Kappenbulten.

Iedereen help'n.

Iedereen help'n behalve a’j klein wazzen.

Dan spöllen i-j in de schemme van de bosrand.

Et rök hier zo zuute.

Et rök zo zuute en ik bunne weer klein.

Et bos aoverhuuft en umgrenst, ‘t Idinkbos.

Wi’j bunt met een hoop.

Wi’j bunt met een hoop mensdiere.

Wi’j sliert aover de paede deur ‘t Idinkbos.

Et knerpt, et knapt.

Et knerpt en et knapt onder onze vuute.

Kats dreuge blader en neulde op de päëde knerpt.

Stilstand en stilte.

Stilstand en stilte, heur toch die mensdiere.

Heurt ze toch spöllen en zingen en dichten en baotern.

De trop trök wieter.

De trop trök wieter deur ‘t Idinkbos.

Et bos rök zo zuute; de krunen zeeft ons de zonne.

Ieder veur zich.

Ieder veur zich, niemand allene.

’n Drom mensdiere in tejater Idinkbos.

Et bolt in ‘t bos.

Koedier viefendertig bolt in de weide

pal langs ‘t bos; drom of gin drom, dat stekt eur niks.

Hier gao’w der uut.

Hier gao’w ‘t Idinkbos uut de vlakte op.

Genadeloos beschint de zonne ons stuk veur stuk.

*) Fiene dennen bunt eigelek sparren
bron: Plat met plaatjes
bi-j-ene-egaard in Varsseveld
A. Colenbrander – m.m.v. A.H.G. Schaars